يا ناس قلبي من هوى البال مجروح
اللي بعد ذيك المودة جفاني
ضاعت صداقتنا على غير مصلوح
عِشرة سنينٍ ضيعتها ثواني
أمرٍ قضاه الله مكتوب باللوح
مجني عليّ وصرت مذنب وجاني
الله يصبرني على كثرة النوح
والله يلحِقني بليل التماني
يقوله اللي كن قلبه على فوح
وعيني تهل الدمع من ما دهاني
على الذي بفداه بالمال والروح
واشري رضاه بكل غالي وداني
محتار مدري يا عرب وين اباروح
واللي بقلبي منه قاله لساني
ما قلت كذب ولا خيالات ومزوح
قلت الصحيح وزاد وزن المعاني
الله يجمع شملنا به ومسموح
مسموح واللي منه جاني كفاني